САФАРИ ГУРӮҲИ КОРӢ АНҶОМ ЁФТ

                  Душанбе, 18 феврал. (АМИТ «Ховар», Лаззат Диловарзод).-Дар даҳаи авали моҳи феврали соли ҷорӣ гурӯҳи кории Вазорати кишоварзӣ дар ҳайати муовини вазири кишоварзӣ М.Қодиров, сардори муассисаи давлатии муҳофизати растаниҳо ва химиконии кишоварзӣ Ю. Муродов, муовини сардори Раёсати сиёсати иқтисодӣ ва ояндабинӣ А. Қодиров, муовини сардори Раёсати сиёсати техниқӣ ва рушди инфраструктураи кишоварзӣ А. Фаттоев, сардори Раёсати чорводорӣ С.Назаров бо мақсади мусоидат ба иҷрои қарору барномаҳои Ҳукумати ҷумҳурӣ дар соҳаи рушди кишоварзӣ ба ноҳияҳои Турсунзода, Шаҳринав, Ҳисор, Рӯдакӣ ва шаҳри Ваҳдат сафари кориро анҷом дода, омодагии хоҷагиҳоро ба кишти баҳорӣ санҷиданд.                   Гурӯҳи корӣ ба роҳбарони хоҷагиҳои деҳқонӣ (фермерӣ) дар бораи гузаронидани кишти саривақтии баҳорӣ, ғизодиҳии зироатҳои тирамоҳӣ, тоза кардани ҷӯю заҳбурҳо ва таъмири пойгоҳҳои обкашӣ то 1-уми апрели соли ҷорӣ маслиҳату дастурҳои мушаххас доданд.