МУҲОКИМАИ ПРОБЛЕМАҲОИ АФҒОНИСТОН ДАР СААД

                         Маскав, 4 март (АМИТ «Ховар», Ҳалима Хушқадамова). — Коршиносони давлатҳои аъзои Созмони аҳдномаи амнияти дастаҷамъӣ дар котиьоти созмон масъалаҳои расондани кӯмакро ба Давлати Исломии Афғонистон, муқаррар намудани роҳу усулҳои бастани роҳҳои таъминоти молиявии терроризм ва қочоқи маводи нашъадорро аз ин мамлакат ҳамроҳи созмонҳои дигари байналхалқию минтақавӣ муҳокима карданд. Қайд карда шуд, ки вазъияти Афғонистон мисли пештара муташанниҷ мебошад, фаъолияти ҷунбиши «Толибон» дар ин мамлакат торафт авҷ мегирад, ҳаҷми истеҳсоли маводи нашъадор сол то сол меафзояд.                          Иштирокчиёни машварат дар асоси ҳуҷҷатҳои қабулнамудаи СММ, созишномаҳои дигари байналхалқӣ ва ҳуҷҷатҳои дар СААД қабулгардида, тадбирҳои қатъ намудани таъминоти молиявии террористон ва пешгирии паҳн гардидани маводи нашъадорро аз ин мамлакат мавриди баррасӣ қарор доданд.                                                                                                                                                      Тарҷумон — Қудратов А.