АРЗИШИ ИЧОЗАТНОМАИ КОРӢ 350- 750 СОМОНӢ

                 Душанбе, 14 апрел. (АМИТ «Ховар», Лаззат Диловарзод).- Бино ба иттилои сардори шӯъбаи хадамоти муҳоҷират оид ба иҷозатномадиҳӣ ба кор Шукуров Шукур, арзиши ҳуҷҷати иҷозатномадиҳӣ ба кор барои шаҳрвандони давлатҳои Иттиҳоди Давлатҳои Мустақил 350 сомонӣ ва барои шаҳрвандони хориҷи дур 750 сомонӣ барои як сол муқаррар карда шудааст.                 Додани иҷозатнома барои шаҳрвандони хориҷӣ, ки ҳуҷҷатҳои номукаммал пешниҳод мекунанд ва ё гирифтори бемориҳои хавфнок, аз қабили ВИЧ -(СПИД) ва дигар бемориҳои венерикӣ мебошанд, рад карда мешавад.                 Бояд тазаккур дод, ки аз 1-уми апрели соли ҷорӣ Қарори Ҳукумати ҷумҳурӣ «Дар бораи иҷозатномадиҳӣ ба кор барои шаҳрвандони хориҷӣ ва ашхоси бетабаа» мавриди амал қарор гирифт.                 Барои ғайриқонунӣ даъват ба кор ва ё ба кор таъминкунии шаҳрвандони хориҷӣ ҷазои маъмурӣ дар шакли ҷарима барои шахсҳои ҳуқуқӣ то300 маоши ҳадди ақли маош пешбинӣ гардидааст.