БА КОДЕКСИ ҶИНОЯТИИ ҶТ ТАҒЙИРУ ИЛОВАҲО ВОРИД КАРДА МЕШАВАД

                     Душанбе, 13 апрел.(АМИТ «Ховар», Марзия Саидова).-13 апрел дар Душанбе таҳти раёсати Раиси Маҷлиси намояндагони Маҷлиси Олии ҷумҳурӣ Сайдулло Хайруллоев ҷаласаи Шӯрои Маҷлиси намояндагон баргузор шуд.                     Дар он лоиҳаи Қонуни конститутсионии Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи мақомоти прокуратураи Ҷумҳурии Тоҷикистон», лоиҳаи Қонунҳои Ҷумҳурии Тоҷикистон «Дар бораи ҳадди ақали зиндагӣ», «Дар бораи стандартҳои иҷтимоии давлатӣ», «Дар бораи ворид намудани тағйирот ба Қонуни Ҷумҳурии Тоҷикистон «Дар бораи рӯзҳои ид», «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон», «Дар бораи ворид намудани тағйирот ба Кодекси меҳнати Ҷумҳурии Тоҷикистон», «Оид ба ворид намудани илова ба Қонуни Ҷумҳурии Тоҷикистон «Дар бораи ҳифзи саломатии аҳолӣ», «Оид ба ворид намудани иловаҳо ба Қонуни Ҷумҳурии Тоҷикистон «Дар бораи Агентии назорати давлатии молиявӣ ва мубориза бо коррупсияи Ҷумҳурии Тоҷикистон» ва «Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон» мавриди баррасӣ қарор гирифтанд.                   Зимни муҳокима, раисони Кумитаҳои Маҷлиси намояндагон Гулчеҳра Бозорова, Абдураҳмон Азимов ва муовини раиси Кумитаи Маҷлиси намояндагон Абдулҳамид Ҷамолов аҳамияти қабули лоиҳаи қонунҳои баррасишударо шарҳу тавзеҳ доданд.                   Дар ҷаласаи Шӯро ҳамзамон, Созишнома байни Ҳукумати Ҷумҳурии Тоҷикистон ва Ҳукумати Федератсияи Русия оид ба ҳифзи мутақобилаи ҳуқуқ ба натиҷаи фаъолияти зеҳнӣ, ки дар рафти ҳамкориҳои дуҷонибаи ҳарбӣ -техникӣ истифода ва ба даст оварда мешаванд, муҳокима шуд.