БЕМОРХОНА БА СЕРТИФИКАТ САРФАРОЗ ГАШТ
Кӯлоб, 17 апрел. (АМИТ «Ховар», Сулаймон Холов).-Беморхонаи касалиҳои дили шаҳри Кӯлоб иҷроиши барномаи миллӣ барои ташхис ва муолиҷаи бемории ишемиявии дил дар давраи солҳои 2007-2015-ро амалӣ намуда хизматрасонии тиббиро ба беморон беҳтар сохт. Сардухтури беморхона Равшан Пулодов вобаста ба ин мавзӯъ гуфт: «Мақсади барнома паст намудани суръати афзоиши беморӣ, фавт ва маъюбшавӣ аз бемории ишемиявии дил, беҳтар ва хубтар хизматрасонӣ дар зинаи кӯмаки санитарӣ, тайёр кардани мутахассисон, таъминоти доруворӣ ва таҷҳизонидани маводҳои лозима»- мебошад. Ба гуфтаи ин манбаъ шӯъбаҳои бемориҳои дил дар ноҳияҳои дурдасти минтақаи Кӯлоб кушода хоҳад шуд ва мутахассисони варзида дар соҳаи дилшиносӣ ба мардум хизмат мерасонанд. Пӯлодов афзуд, ки асоси пайдоиши ин касал аз риоя накардани реҷаи хурокхӯрӣ, тамокукашӣ, майнӯшӣ, фарбеҳӣ буда, дар ин самт бештар ба варзиш бояд шуғл баст. Гуфта мешавад беморхонаи мазкур дар ҷамъбасти соли 2008 аз тарафи Вазорати Тандурустии ҶТ бо сертификати «беҳтарини соли 2008» сарфароз гардид.
Имрӯз дар якчанд корхонаю идора нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
