ДАР ХАТЛОН ҶОЙҲОИ НАВИ КОРӢ ТАЙЁР КАРДА МЕШАВАД

                Қурғантеппа, 23 апрел. (АМИТ «Ховар», Мурод Сотиев).- Роҳбарияти вилояти Хатлон ба ҳалли проблемаи муҳайё сохтани ҷойҳои нави корӣ диққати калон медиҳад. Раиси вилоят, Ғайбулло Авзалов қайд кард, ки аз аввали сол дар вилояти Хатлон беш аз 104 ярмаркаи ҷойҳои кори холӣ гузаронида шуд, ки дар натиҷа беш аз 5,8 ҳазор одам соҳиби ҷойи кор шуданд. Умуман аз рӯи фонди эҳтиётӣ дар вилояти Хатлон 18 ҳазор ҷойи кори холӣ ташкил карда шуд.                Раиси вилоят қайд намуд, ки дар шаҳру ноҳияҳо бояд курсҳои ихтисосӣ кушода шаванд, то ки хоҳишмандон тавонанд соҳиби касбу ихтисосҳои зарурӣ шаванд. Тибқи нақша то охири сол дар вилояти Хатлон 70 ҳазор ҷойҳои нави корӣ ташкил карда мешаванд.                                                                Тарҷумаи Зебо Иноятова