ДАР ХАТЛОН ОБИ ОШОМИДАНӢ ТОЗА НЕСТ

                   Қӯрғонтеппа, 15 апрел. (АМИТ «Ховар», Мурод Сотиев). Аз тарафи кормандони Маркази «Тоҷикстандарт»-и вилоят Хатлон ҳолати истифодабарии оби нӯшокӣ дар ноҳияву шаҳрҳо санҷида шуд. Тавре директори Марказ Раҷабалӣ Тағоев иттилоъ дод, дар рафти санҷиши муассисаҳои обтаъминкунии шаҳри Қӯрғонтеппа ва ноҳияҳои Абдураҳмони Ҷомӣ, Ёвон ва Вахш муайян гашт, ки оби ошомиданӣ ба талабот ҷавобгӯ нест. «Бо сабаби дар таркиби об кам будани хлор он ғайристандартӣ дониста шуд»-гуфт Р.Тағоев. Ба иттилои манбаъ, ба корхонаҳо амрияи ислоҳи камбудиҳо дода шуда ба маблағи 680 сомонӣ ҷарима баста шуд.