ДАР ХОРУҒ ҲАЙКАЛИ ШИРИНШО ШОТЕМУР ГУЗОШТА МЕШАВАД
Душанбе, 7 апрел. (АМИТ «Ховар», Таҳмина Ғоибназарова). — Мудири шӯъбаи муҳофизат ва истифодаи мероси таърихию фарҳангии Вазорати фарҳанги чумҳурӣ Музаффар Азизов ба АМИТ «Ховар» хабар дод, ки ба муносибати 110 — солагии Қаҳрамони Тоҷикистон Шириншо Шотемур моҳи июни соли равон дар боғи фарҳангу фароғатии шаҳри Хоруғ хайкали ёдгории ӯ гузошта хоҳад шуд. Баландии ҳайкал 4 метр мебошад. Вазорати фарҳанги ҷумҳурӣ барои сохтмони он зиёда аз 150 ҳазор сомонӣ ҷудо кард. Шириншо Шотемур соли 1899 таваллуд шуда, яке аз арбобони машҳури ҳизбӣ ва давлатии шӯравӣ ба шумор меравад. Вай яке аз ташкилкунандагони асосии Ҷумҳурии Мухтори Шӯравии Сотсиалистии Тоҷикистон мебошад. Бо фармони Президенти Ҷумҳурии Тоҷикистон Эмомалӣ Раҳмон ба Ш.Шотемур баъди вафоташ ордени «Дӯстӣ» ва унвони «Қаҳрамони Тоҷикистон» дода шуд. Ш.Шотемур соли 1937 бо тӯҳмати беасос ҳамчун иштирокчии амалиёти миллатгароёни зиддишӯравӣ ба ҳабс гирифта шуд. Ҳайати мушовараи ҳарбии Суди олии ИҶШС ӯро 21 октябри соли 1937 ба қатл маҳкум намуд. Ш.Шотемур 27 октябри ҳамон сол ба қатл расонда шуд. Ӯро ҳайати мушовараи ҳарбии Суди олии ИҶШС соли 1956 сафед намуд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
