ФАВТИ МОДАРОН ЗИЁД АСТ

                  Бадахшон, 21 апрел. (АМИТ «Ховар», Лутфишо Додо).- Дар нишасти матбуотие, ки бо ширкати садори Раёсати тандурустии вилоят Пайкармо Алиёрова ва роҳбарони сохторҳои Раёсат баргузор гардид, иттилоъ дода шуд, ки дар тӯли се моҳ дар навоҳии Шуғнон ва Ишкошиму Мурғоб биноҳои нави марказҳои ташхиси тиббӣ ва дар шаҳри Хоруғ бинои Маркази тибби оилавӣ ифтитоҳ ёфтанд. Ба хотири таъмири маркази наркологии шаҳри Хоруғ 30 ҳазор сомонӣ ҷудо гардид. Фавти кӯдакон дар вилоят нисбат ба ҳамин давраи соли 2008 15 нафар кам шуд.                  Ҳамзамон табобати шаҳрвандони мамолики ҳамсоя, ки тибқи шартнома сурат мегирад, дар маркази вилоят хеле кам шуд. Чунончи, агар дар се моҳи соли 2008 дар ин беморхона 80 нафар маризон табобат гирифта бошанд, соли 2009 танҳо як нафар. Шояд бар асари бӯҳрони шадиди ҷаҳонӣ бошад, бемориҳои дил рӯ ба афзоишанд. Омили асосии онро коршиносон дар истеъмоли беназми шаробу тамоку мебинанд.