ИМКОНИЯТИ ИСТЕҲСОЛӢ ЗИЁД, АММО МАҲСУЛОТ НЕСТ

                 Душанбе, 15апрел. (АМИТ «Ховар», Лаззат Диловарзод).- Бино ба иттилои ҷонишини директории Ҷамъияти саҳҳомии «Равғани тоҷик» Зафар Ҷалолов, корхонаи равғанкашии Ҷамъияти саҳомии «Равғани тоҷк» дар як шабонарӯз иқтидори коркарди 250 тонна ашёи хомро дорад, аммо корхона ашёи хом надорад.                 То имрӯз арзиши нархи пунбадона дар ҷумҳурӣ муайян нашудааст, истеҳсолотчиён онро бо нархи дилхоҳи худ ба савдо мегузоранд.                 Корхона дар соли ҷорӣ бо нияти ба даст овардани 3 ҳазор тонна ашёи хом (дони офтобпараст) бо Ҷумҳурии МардумииЧин ва федератсияи Россия шартнома ба имзо расонид, аммо бо сабаби бӯҳрони молиявӣ иҷрои шартнома қатъ карда шуд.