ИШТИРОКИ САФИРИ ТОҶИКИСТОН ДАР ЧИН ДАР ИДИ БАҲОР
Душанбе, 7 апрел. (АМИТ «Ховар», Наргис Бояхмедова). — 5 апрел дар Донишгоҳи аграрии Пекин бо ташаббуси сафоратхонаи Тоҷикистон дар Ҷумҳурии мардумии Чин таҳти унвони «Танини суруди баҳор» ҷамъомади серодам баргузор гардид. Қисми расмии ҷамъомад дар боғи зардолузори дӯстии Тоҷикистону Чин гузаронида шуд, ки бо ташаббуси кормандони сафорат моҳи марти соли 2006 бунёд карда шуда буд. Сафири Тоҷикистон дар Чин Рашид Олимов ба роҳбарият, омӯзгорон ва донишҷӯёни донишгоҳ барои нигоҳубини ҳамарӯзаашон ба дарахтони боғи дӯстӣ изҳори сипос намуд. Вай зикр намуд, ки зардолу рамзи офтоб, хушбахтии инсон ва боигарии одамон мебошад. Халқи тоҷик тамоми боигарии худро бо дӯстони ҳақиқии хеш бо ҳам мебинад, изҳор намуд сафир. Ҷамъомади ботантана бо консерти муштарак анҷом ёфт. Дар консерт сурудҳои тоҷикию чинӣ, сатрҳо аз ашъори Абӯабдулло Рӯдакӣ, Ҳофизи Шерозӣ, Конфутсий ва Мао Сзедун садо доданд. Дар ин бора аз сафорати Тоҷикистон дар Пекин ба АМИТ «Ховар» хабар дода шуд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
