НАҚШАИ БУҶЕТ ИҶРО ШУД

                Хуҷанд, 15 апрел. (АМИТ «Ховар», Санавбар Мақсудова). — Раиси шаҳри Хуҷанд Содиқҷон Мирхолиқов дар ҷараёни нишасти матбуотӣ хабар дод, ки корхонаҳои саноатии шаҳр дар давоми семоҳаи аввали соли равон ба маблағи 49,7 миллион сомонӣ маҳсулот бароварданд. Ин нисбат ба ҳамин давраи соли гузашта 25 фоиз зиёд мебошад.                Нақшаи қисми даромади буҷети шаҳр дар давоми се моҳи гузашта 122,2 фоиз иҷро шуд. Қайд карда шуд, ки корхонаю муассисаҳои шаҳр дар ин давра аз ҳисоби насупоридани андоз 8,9 миллион сомонӣ қарздор шуданд. Ин нисбат ба аввали ҳамин сол 250 ҳазор сомонӣ зиёд мебошад. Маблағи миёнаи музди кор дар маркази вилоят 313,2 сомониро ташкил дод.