НАСРОНИЁН ДАР СУҒД ИБОДАТГОҲ МЕСОЗАНД

                   Душанбе, 14 апрел. (АМИТ «Ховар», Лаззат Диловарзод).- Қадимтарин ибодатгоҳи насрониён дар Тоҷикистон ибодатгоҳи Мария Магдалина ҳанӯз соли 1884 дар Хуҷанд бино ёфта буд. 16-уми апрели соли 2005 ин ибодатгоҳ дар натиҷаи сӯхтор аз байн рафт.                   Баъди ин ҳодиса, барои тарҳи лоиҳаи нави ибодатгоҳ ба маблағи 500 ҳазор доллар озмун эълон шуд.                   Мақомоти иҷроияи ҳокимияти давлатии шаҳри Хуҷанд дар соҳили рости дарёи Сир барои сохтмони ибодатгоҳи рӯҳониёни насронӣ замин ҷудо намуд. Аммо маблағи зарурӣ ҷамъоварӣ нашуд.                   Аз ин ҷиҳат, рӯҳониёни насронӣ аз калисои насрониёни Россия даъват ба амал оварданд, ки дар сохтмони ин ибодатгоҳи насрониёни дар Тоҷикистонбуда, дасти ёрӣ дароз намоянд.