НИШАСТИ МАТБУОТӢ ДАР ИДОРАИ ХОҶАГИИ ОБИ КӮЛОБ

               Кӯлоб, 21 апрел. (АМИТ «Ховар», Сулаймон Холов).- Дар иттиҳодияи истеҳсолии таъмиру истифодабарии мелиоративии минтақаи Кӯлоб нишасти матбуотӣ доир гардид. Дар нишаст масъалаҳои таъмини хоҷагиҳо ба оби обёрӣ, тоза намудани шабакаҳои обӣ, заҳкашу заҳбурҳо, таъминоти маблағ, супоридани андоз ва дигар масъалаҳо саволу ҷавоб сурат гирифт. Зикр гардид, ки барои тайёр намудани шабакаҳои обӣ ба мавсими обдиҳии соли равон ташкилотҳои зертобеъи иттиҳодия мувофиқи нақшаи пешбинишуда, тоза кардани шабакаҳои обиро ба 92%, тоза кардани заҳбуру заҳкашҳоро ба 64% расонидааст. Мавриди зикр аст, ки сабаби иҷро нагардидани нақшаи чорабиниҳои тирамоҳию зимистонаи соли 2008-2009 ин аз пардохт накардани ҳаққи хизматрасонӣ аз тарафи хоҷагиҳои деҳқонӣ ва дигар истифодабарандагони об мебошад. Қарзи хизматрасонӣ дар 3 моҳ ба 11 м. 622 ҳ. 441 сомонӣ расид. Гуфта мешавад, ки аз сабаби пардохт нагардидани қарзи хизмати обрасонӣ қисми зиёди пойгоҳҳои обкаш бе таъмир монда, қарзи музди меҳнат 82 766 сомонӣ, ҳамаи намуди андоз ва 1 млн. 995112 сомонӣ, ФИХА, 228334 сомонӣ, истифодаи барқ 5 м. 517 920 сомонӣ расидааст. Идораи хоҷагии оби минтақаи Кӯлоб тасмим дорад хизматрасониро дар сатҳи баланд ба роҳ монад.-иброз дошт ҷонишини сардори Иттиҳодияи истеҳсоли таъмиру истифодабарии мелиоративии минтақаи Кӯлоб Амрохон Одинаев.