ОЗМУНИ ПАРРАНДАҲОИ ХУШХОН
Хуҷанд, 2 апрел. (АМИТ «Ховар», Мирзалӣ Амонов, Самад Юсуфӣ).- Дар боғи Наврӯзгоҳ озмуни нӯҳуми вилоятии паррандаҳои хушхон ва моҳичаҳои ороишӣ (аквариумӣ) баргузор гардид. Дар он қариб 142 нафар дӯстдорони табиат аз шаҳру ноҳияҳои вилоят, ташкилотҳои гуногун ва мактабҳои таҳсилоти умумӣ иштирок намуданд. Раиси Кумитаи ҳифзи табиати ноҳияи Исфара Абдурақиб Турдиматов ба мухбири АМИТ «Ховар» гуфт, ки ҳадафи озмун тарғиби маърифати экологӣ, ғояҳои ҳифзи табиат ва муносибати эҳтиёткорона ба паррандагон мебошад. Намояндагони ноҳияи Исфара 22 навъи паррандаҳои хушхону ороиширо ба маърази тамошо гузоштанд. Бояд гуфт, ки ҳамаи онҳо дар озмуни ноҳиявӣ ҷоиза гирифта буданд. Мурғхои ҳилол, мурғи японӣ, хурӯсҳои рангоранг, мурғи марҷон ва ғайра аз ҳамин ҷумла буданд. Дар озмуни паррандаҳои хушхону ороишӣ намояндагони ноҳияи Исфара ҷои якум ва намояндагони ноҳияи Бобоҷон Ғафуров ҷои дуюмро ишғол карданд. Дар байни шаҳрҳои вилоят ҷои аввал ва шоҳҷоиза насиби шаҳри Қайроққум, ҷои дуюм насиби шаҳри Хуҷанд ва ҷои сеюм насиби шаҳри Чкалов гардид.
4 феврал дар якчанд корхонаю идора нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
