ПАРЛУМОНИ ТОҶИКИСТОН БО ДОНИШКАДАИ ДАНИЯГӢ ҲАМКОРӢ МЕКУНАД

                  Душанбе, 15 апрел.(АМИТ «Ховар», Марзия Саидова).-Масъалаи ба роҳ мондани ҳамкорӣ байни Маҷлиси намоянадгони Маҷлиси Олии Ҷумҳурии Тоҷикистон ва Донишкадаи Даниягӣ оид ба ҳуқуқи инсон зимни мулоқоти муовини Раиси Маҷлиси намояндагони Маҷлиси Олии ҷумҳурӣ Шуҷоат Ҳасанова ва коршиносони донишкадаи мазкур Кристиан Кнуст ва Гаралд Джепсон дар Душанбе баррасӣ шуданд.                  Шуҷоат Ҳасанова ба коршиносони даниягӣ доир ба фазои ҳуқуқӣ дар кишвар ва раванди қабули қонунҳо, ки ба ҳифзи ҳуқуқи инсон ва озодии онҳо нигаронида шудаанд, сухан кард. Мавсуф гуфт, ки дар ин замина парлумони Тоҷикистон як қатор қонуну санадҳои муҳимро қабул кардааст. Кодекси шаҳрвандии Ҷумҳурии Тоҷикистон, Кодекси меҳнати Ҷумҳурии Тоҷикистон, Қонуни Ҷумҳурии Тоҷикистон «Дар бораи ваколатдор оид ба ҳуқуқи инсон дар Ҷумҳурии Тоҷикистон» аз ҳамин қабил аст.                  Коршиносони даниягӣ аз риояи бандҳои Эъломияи ҳуқуқи башар дар Тоҷикистон ибрози назар намуда, хостори тақвияти ҳамкориҳо бо парлумони Тоҷикистон шуданд.