ПРОТОКОЛИ ИЛОВАГӢ БАРОИ 3 МИЛЛИОН ЕВРО

                 Душанбе, 13 апрел. (АМИТ «Ховар», Лаззат диловарзод).- Бино ба иттилои ҷонишини вазири молия Ҷамолиддин Нуралиев 1-уми апрели соли ҷорӣ бо мақсади амалӣ сохтани лоиҳаи таҷдиди фурудгоҳи байналмилалии Душанбе бо иштироки сардори департаменти Вазорати иқтисоди Франсия Никол Прего протоколи иловагӣ ба маблағи 3 млн. евро ба имзо расонида шуд.                 Боиси тазаккур аст, ки ҳанӯз соли 2008 барои сохтмони хатти парвози фурудгоҳи байналмилалии Душанбе аз ҷониби Франсия 17 млн. евро сармоягузорӣ шуда буд. Мӯҳлати бозпардохти ин қарз 39 сол бо 15 фоизи солона пешбинӣ шудааст. Давраи имтиёзноки қарз 20 сол аст. Ҷумҳурии Тоҷикистон сохтмони ин иншоотро ба андозаи 7 млн. евро маблағгузорӣ мекунад.                 Лоиҳаи мазкур то соли 2011 пурра амалӣ гардонида мешавад, ки он нисбатан имконияти бештареро дар интиқоли мусофирон ва бору мол фароҳам месозад.