ШИРКАТҲОИ ТУРИСТӢ МЕАФЗОЯНД

                 Душанбе, 11 апрел. (АМИТ «Ховар», Ибодат Давлатова). — Тибқи Қонуни Ҷумҳурии Тоҷикистон «Дар бораи иҷозатномадиҳӣ ба баъзе намудҳои фаъолият» аз ҷониби Комиссияи иҷозатномадиҳии фаъолияти турустии Кумита ба 15 субъекти хоҷагидори кишвар иҷозатномаи фаъолияти туристӣ дода шуд, қайд гардид дар нишасти матбуотии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон.                 Дар давоми семоҳаи ҳисоботӣ як қатор санадҳои меъёрӣ баҳри сода намудани ташрифоти шаҳрвандони хориҷӣ ба кишвар ва мустаҳкам кардани пояҳои ҳуқуқии соҳаи туризм қабул гаштаанд. Ҳуҷҷати мазкур раводиди туристиро ҳамчун навъи алоҳида муайян намуда, шаҳрвандони хориҷиеро, ки бо ин раводид вориди кишвар шудаанд, агар мӯҳлати будубоши онҳо зиёда аз 30 рӯз набошад, аз бақайдгирӣ дар мақомоти корҳои дохилӣ озод менамояд.                Инчунин, баҳри муаррифии захираҳои бойи туристии кишвар ва пешбурди маҳсулоти ширкатҳои туристии ватанӣ ба арсаи бозори ҷаҳонии соҳавӣ, моҳи марти соли ҷорӣ ҳайати намояндагонӣ соҳаи туризми кишвар дар кори Намоишгоҳи байналмилалии туристи ITB-2009, дар шаҳри Берлини мамлакати Олмон ширкат варзиданд.