ТАЙЁРӢ БА МАРОСИМИ ҲАҶ
Душанбе, 1 апреля. (АМИТ «Ховар», Лутфия Эшонқулова).- Ҳайати мушовараи Вазорати фарҳанги Ҷумҳурии Тоҷикистон тартиби сафари дастаҷамъии шаҳрвандони мамлакатро ба ҳаҷ ва умра тасдиқ намуд. Тавре ба мухбири АМИТ «Ховар» дар маркази матбуоти вазорат хабар доданд, муқаррар намудани тартиби сафари дастаҷамъии шаҳрвандони Ҷумҳурии Тоҷикистон ба ҳаҷи умра ҳамчун мақоми марказии ваколатдори ҳокимияти иҷроияи Ҷумҳурии Тоҷикистон ба зиммаи Вазорати фарҳанги Ҷумҳурии Тоҷикистон гузошта шудааст.Онҳое, ки як бор ҳаҷ карданд, танҳо бо гузашти 5-сол баъди сафари қаблӣ ба ҳаҷи навбатӣ ҳуқуқ пайдо мекунанд. Синни ҳаҷравандагон аз 18 то 80-сола муқаррар карда шудааст. Ҳамроҳӣ намудани пиронсолони синну соли нафақа мувофиқи матлаб буда, ба сафари занҳо танҳо бо ҳамроҳии шахсони маҳрамашон иҷозат дода мешавад. Роҳбаладон дар асоси озмун аз ҷумлаи донандагони забони арабӣ, маносики ҳаҷ ва кормандони иттиҳодияҳои динӣ аз ҷониби Вазорати фарҳанги Ҷумҳурии Тоҷикистон интихоб гардида, синну соли онҳо аз 25 то 50-сола муқаррар мегардад. Ҳамчунин Вазорати фарҳанги Ҷумҳурии Тоҷикистон вазифаҳои зеринро ба салоҳияти худ гирифтааст: Дар ҳолатҳои зарурӣ барои сафар кардан дар ҳайати гурӯҳи корӣ ва ё бо дигар сифате, ки барои ташкил ва гузаронидани ҳаҷ зарур аст, мутахассисони касбиро дар асоси шартномаи меҳнатӣ ҷалб менамояд, ба Вазорати корҳои хориҷии Ҷумҳурии Тоҷикистон барои гирифтани раводид, таҳияи ҳуҷҷатҳои зарурӣ ҷиҳати муташаккилона гузаронидани ҳаҷ ва фиристодани гурӯҳҳои корӣ ба Арабистони Саудӣ муроҷиат менамояд, бо Корхонаи воҳиди давлатии ҳавопаймоии «Тоҷик-Эйр» барои ташкили сафари ҳоҷиён ба Арабистони Саудӣ ва оид ба хизматрасонӣ ба онҳо дар фурӯдгоҳҳои Ҷумҳурии Тоҷикистон шартнома имзо мекунад ва қабл аз ду моҳи оғози сафари ҳаҷ ҷадвали мувофиқашудаи рафту баргашти ҳоҷиёнро талаб менамояд ва ғайраҳо. Хизматҳои Вазорати фарҳанг дар мавриди гузаронидани сафари дастаҷамъӣ ба ҳаҷ, масрафҳо барои таъмини роҳбаладии гурӯҳҳои ҳоҷиён, хизмати аввалияи тиббӣ ва дигар хизматҳои вобаста ба сафари дастаҷамъии ҳаҷ аз ҷониби зоирон дар асоси шартнома пардохт карда мешаванд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
