ЯРМАРКА: НАМОЯНДАГОНИ КОРХОНАҲОИ ИСТАРАВШАН РӮЙХАТ НАДОШТАНД!
Истаравшан, 2 апрел. (АМИТ «Ховар», Ҳусейн Нарзулло).- Дар ярмаркаи ҷойҳои холии кор ва вазифаҳои озод, ки аз ҷониби Раёсати Агентии давлатии ҳифзи иҷтимоию шуғли аҳолӣ ва муҳоҷирати шаҳри Истаравшан дар назди Омӯзишгоҳи касбию техникии №14 доир гардид, 19 ташкилоту муассисаи шаҳр иштирок доштанд. 333 адад ҷойи холии кор ва вазифаҳои озод пешкаши корҷӯён гардид. Бино ба гуфтаи сардори Раёсати Агентии давлатии ҳифзи иҷтимоӣ, шуғли аҳолӣ ва муҳоҷирати шаҳр Насим Баҳриддинов, дар ярмарка ҳамагӣ 21 нафар корҷӯён соҳиби ҷойҳои кори доимӣ гардида, ба 36 нафар шаҳрванд барои кор роҳхат дода шудааст. 14 нафар духтарону занон майли омӯзиши касби дӯзандагӣ бо роҳи шомил шудан ба курсҳои кӯтоҳмуддати омӯзишӣ кардаанд. Ҳарчанд дар ярмарка маҳсулоти истеҳсолкардаи касбомӯзони ОКТ №14 ва маркази таълими модулӣ ва дастгирии соҳибкории шаҳр ба маърази тамошои бинандагон гузошта шуда буд, аксари онҳо ба замони Шӯравӣ тааллуқ доштанд. Гузашта аз ин, намояндагони корхонаю ташкилот ва муассисаҳои шаҳр, ки паси мизу навиштаҷоти ифодакунандаи коргоҳашон менишастанд, назди худ рӯйхати ҷойҳои холии кор ва музди маоши онҳоро надоштанд, яъне ҳамроҳи корафтодагон шифоҳӣ сӯҳбат мекарданд. Дар варақаҳои мавҷуда бошад, ҳадди ақали маоши коргарон аз 100 то 220 сомониро ташкил медод, ки бо чунин маош касе худ ва аҳли оилаашро пӯшонидаю хӯронида наметавонад. Таҳрири Жасмин Назарова
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
