БАРОИ ТОҶИКИСТОНИЁН ГРИППИ ХУК ХАТАР НАДОРАД

              Душанбе, 4 май.(АМИТ «Ховар», Лаззат Диловарзод).- Сардухтури санитарии давлатии Ҷумҳурии Тоҷикистон Аъзам Мирзоев ба хабарнигорон изҳорот дод, ки паҳншавии гриппи хук дар Тоҷикистон имконнопазир аст ва сокинони Тоҷикистон метавонанд аз ин ҳарос надошта бошанд. Ин пеш аз ҳама ба он вобаста аст, ки воридоти гӯшти хук ба Тоҷикистон аз ягон давлат вуҷуд надорад. Ба замми ин, ҳамаи ҳайати кормандони тиббӣ, ки дар фурудгоҳ, роҳи оҳан ва дигар гузаргоҳҳо ҷойгр карда шудаанд дар бораи аломатҳои пайдоиши ин беморӣ пурра иттилоот доранд. Дар сурати пайдо кардани бемори таб дошта ва ё дигар аломатҳои беморӣ он фавран изолятсия карда шуда, дар ҷои махсус аз ташхис мегузарад.               Чунин чорабинӣ дар асоси барномаи пешгирии бемории гриппи мурғ таъсис ёфта, он дар ҳамаи нуқтаҳои вуруд ба Тоҷикистон амал мекун