БЕМОРИИ ДАР ТОҶИКИСТОН ҲАНӮЗ ҲАМ ЗИЁД АСТ
Душанбе, 14 май. (АМИТ «Ховар», Кристина Эрлих). — Мушовири Созмони ҷаҳонии тандурустӣ Стефан Талевски зимни сӯҳбат бо хабарнигорон изҳор намуд, ки теъдоди беморони сил дар Тоҷикистон хеле зиёд аст ва ин ба пешрафти соҳаи тандурустӣ таъсири манфӣ мерасонад. Тоҷикистон аз ҷумлаи 18 мамлакати ҷаҳон аст, ки шумораи беморони сил дар онҳо торафт меафзояд. Мухбири АМИТ «Ховар» менависад, ки дар робита дар мамлакат барои солҳои 2003 — 2010 Барномаи миллии маҳдуд сохтани паҳншавии бемории сил дар Тоҷикистон таҳия ва иҷро карда мешавад. Бояд гуфт, ки паҳншавии ин бемории хавфнок дар Тоҷикистон баъди барҳам хӯрдани Иттиҳоди Шӯравӣ оғоз ёфт. С.Талевски зикр намуд, ки Тоҷикистон баъди барҳам хӯрдани ИҶШС системаи мавҷудаи табобати бемориро нигоҳ дошта натавонист. Дар натиҷа шаклҳои ба дору тобовари беморӣ паҳн гардиданд. Дар робита барномаи миллии пешгирии паҳншавии беморӣ тартиб дода шуд. Тибқи барнома, кормандони муассисаҳои кӯмаки аввалияи тиббӣ бояд дар ҷараёни ошкор сохтани беморӣ фаъолона иштирок кунанд. Вале ин дар амал мушоҳида намешавад. Қайд карда шуд, ки вақтҳои охир шумораи торафт бештари беморон ба қайд гирифта мешаванд. Дар саросари ҷумҳурӣ барои амалӣ сохтани барномаи мазкур панҷ гурӯҳи махсус ташкил карда шудааст. Аз ҳама муҳимаш ҳамин аст, ки одамон бемории худро пинҳон накарда, сари вақт ба духтур муроҷиат кунанд. Дар ин маврид теъдоди вафоти онҳо аз ин беморӣ хеле кам хоҳад шуд, гуфт дар хотима С.Талевски.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
