КОМЁБИИ ПАРАШЮТЧИЁНИ ТОҶИК ДАР ОЗАРБОЙҶОН
Душанбе, 12 май. (АМИТ «Ховар», Дилшодаи Ҷонмард).- Чанд рӯз пеш дар Ҷумҳурии Озарбойҷон бахшида ба 86- солагии рӯзи таваллуди нахустин президенти ин мамлакат Ҳайдар Алиев мусобиқаи байналхалқии парашютбозон баргузор гардид. Дар он парашютчиёни Бошгоҳҳои варзишии созмонҳои мададгори мудофиаи Озарбойҷон, Тоҷикистон, Қазоқистон, Белоруссия ва Федератсияи Россия ширкат варзиданд. Дар маросими ботантанаи кушодашавии мусобиқа намояндагони маъмурияти президенти ҷумҳурии Озарбойҷон, вазорату идораҳо, кормандони созмонҳои мудофиавии ИДМ, курсантҳои муассисаҳои таълимии Озарбойҷон ва сокинони шаҳри Боку иштирок намуданд. Аз рӯи ҳисоби умумӣ ҷойи аввалро варзишгарони Ҷумҳурии Белоруссия, ҷойи дуюмро варзишгарони Федератсияи Россия ва ҷойи сеюмро дастаи мунтахаби Ҷумҳурии Тоҷикистон соҳиб гардид. Варзишгари Бошгоҳи ҷумҳуриявии ҳавопаймоии Ташкилоти ҷамъиятии мададгори мудофиаи Ҷумҳурии Тоҷикистон Олга Балина аз рӯи ҳисоби шахсӣ ҷойи дуюмро ишғол кард. Ба ифтихори дастаи мунтахаби Тоҷикистон дар ин мусобиқаи мӯътабари варзишӣ парчами ҷумҳурии мо барафрохта шуда, суруди миллии мамлакатамон садо дод. Олга Балина зимни сӯҳбат ба мухбири АМИТ «Ховар» гуфт, ки мусобиқаи парашютчиён баъди барҳам хурдани ИҶШС дар миқёси Иттиҳоди Давлатҳои Мустақил бори аввал гузаронида шуд. Мусобиқа нишон дод, ки анъанаҳои неки варзиши замони шӯравӣ дар Тоҷикистон аз байн нарафтаанд ва давом дода мешаванд. Дар Тоҷикистон барои беҳтар сохтани вазъияти варзиши парашютбозон тадбирҳои муҳим андешида мешаванд. Ташкилоти мададгори мудофиаи ҷумҳурии мо чанде пеш барои гузаронидани машқҳо ду ҳавопаймои сабуки У-2 харидорӣ намуд. Ин ҳавопаймоҳо ҳоло дар пойгоҳи варзишии «Фахробод» истифода карда мешаванд. Мо дар ин ҷо машқ карда, маҳорати худро такмил медиҳем. Солҳои охир шумораи ҷавонони маҳаллӣ , хусусан духтарон дар ин ҷо торафт зиёд мегардад. Олга Балина изҳори таассуф намуд, ки дар мусобиқа варзишгарони ҳамаи мамлакатҳои ИДМ иштирок накарданд. Мусобиқа минбаъд ҳар сол гузаронда мешавад. Ман боварӣ дорам, ки варзишгарони тоҷик дар мусобиқаҳои оянда ширкат варзида, ҷойҳои намоёнро ишғол хоҳанд кард,- иброз дошт дар хотима Олга Балина.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
