МӮҲЛАТИ ТОЗА КАРДАНИ МИНАҲО БОЯД ТАМДИД ГАРДАД

                Душанбе, 5 май. (АМ ИТ «Ховар, Лаззат Диловарзод).- Ҷумҳурии Тоҷикисон аз соли 2000-ум ба узвияти Конвенсияи Оттава пазируфта шудааст. Мақсад аз ҳамроҳ шудан ба ин ташкилоти байналмилалӣ безарарсозии минтақа аз минаҳо мебошад.              Қобили зикр аст, ки Конвенсияи Оттава манъи истифода, захирасозӣ, истеҳсол ва интиқоли минаҳои зиддипиёдагард, инчунин нобудсозии онҳоро муқаррар кардааст.              Тибқи маълумоти ба зиммадошта, Тоҷикистон то 1-уми апрели соли 2010 поксозии минаҳоро дар қаламрави худ комилан бояд анҷом диҳад. Вале ба гуфти сарвари Маркази Тоҷикистон оид ба масъалаҳои минаҳо Ҷонмаҳмад Раҷабов, аз сабаби дер оғоз гардидани поксозии башардӯстонаи минаҳо, норасоии маблағ, набудани мошинҳои механикии безарарсозӣ то ҳол дар кишвар 15 млн. метри мураббаъ майдони минадор боқӣ мондааст, ки то соли 2010 поксозии он номумкин аст.