М. УБАЙДУЛЛОЕВ БА 310 НАФАР СОБИҚАДОРОНИ ҶБВ КӮМАКИПУЛӢРАСОНД

                   Душанбе, 8 май.(АМИТ «Ховар», Марзия Саидова).-Дар арафаи ҷашни Ғалаба -9 май бо қарори марбутаи Раиси шаҳри Душанбе Маҳмадсаид Убайдуллоев ба 310 нафар иштирокчиёну маъюбони Ҷанги Бузурги Ватанӣ ба маблағи 350 сомонӣ кӯмакпулӣ расонида шуд. Дар ин хусус ба АМИТ «Ховар» котиби матбуотии Раиси шаҳри Душанбе Шавкат Саидов иттилоъ дод.                    Ҳамзамон, бо мақсади дар сатҳи баланд истиқбол гирифтани 64-умин солгарди Ғалаба дар Ҷанги Бузурги Ватанӣ 9 май дар Боғи мемориалии «Ғалаба»-и пойтахт ҳамоиши ёдбуд баргузор гашта, дар он аъзои Ҳукумати ҷумҳурӣ, намояндагони парлумон, фаъолон ва аҳли ҷамоатчигии пойтахт, намояндагони корпусҳои дипломатии муқими Тоҷикистон иштирок менамоянд. Иштирокдорони ҳамоиш, ҳамчун рамзи эҳтиром ба мардонагӣ ва корнамоиҳои ҷовидонаи иштирокчиёни ҶБВ дар назди «Оташи абадӣ» гулчанбарҳо мегузоранд.