МУЛОҚОТИ Ҳ. ЗАРИФӢ БО САФИРИ НАВИ ТУРКМАНИСТОН ДАР ТОҶИКИСТОН
Душанбе, 28 май. (АМИТ «Ховар», Наргис Бойахмедова).- Вазири корҳои хориҷии ҶТ Ҳ. Зарифӣ 28 май сафири нави Туркманистон дар Тоҷикистон Нурбердӣ Амонмуродовро ба ҳузур пазируфт. Сафири Туркманистон ба Ҳ. Зарифӣ нусхаи эътиборномаи худро супорид. Вазири корҳои хориҷии Тоҷикистон ба вазъияти имрӯзаи муносибатҳои дуҷонибаи Тоҷикистону Туркманистон баҳои мусбат дода, самтҳои афзалиятноки ҳамкории ҳар ду мамлакатро дар соҳаҳои гуногуни иқтисодиёт муайян намуд. Вай таваҷҷӯҳи сафирро ба имкониятҳои мавҷудаи вусъат додани ҳамкории тиҷоратию иқтисодии ҳар ду мамлакат ҷалб кард. Вазир дар бораи ҳамкории ҳар ду давлат сухан ронда, зикр намуд, ки вақтҳои охир роҳҳои истифодаи оқилонаю самарабахши захираҳои обу энергетикаи Тоҷикистон ва минтақаи Осиёи Марказӣ мавзӯи баҳсу мунозира ва нофаҳмиҳо ва ҳатто сабаби муташанниҷ гардидани вазъият мегардад. Ин натиҷаи нодуруст шарҳу тавзеҳ додани мавқеи Тоҷикистон дар ин масъалаҳо мебошад. Тадбирҳои андешидаи Ҳукумати Тоҷикистон дар бобати сохтмони иншоотҳои гидроэнергетикӣ пеш аз ҳама ба ҳалли проблемаҳои обу энергетикаи минтақа, проблемаҳои экологии баҳри Арал ва сафарбар намудани манбаъҳои он барои ноил гардидан ба рушди устувори ҳамаи мамлакатҳои минтақа равона шудааст. Қайд карда шуд, ки Ҳукумати ҶТ дар бобати амалӣ сохтани барномаҳои гидроэнергетикӣ сиёсати ошкорбаёнӣ ва ба инобат гирифтани манфиати давлатҳои ҳамсояро пеш гирифтааст. Зимни сӯҳбат масъалаҳои марбут ба иштироки Туркманистон дар фаъолияти Консорсиуми байналмилалии анҷоми сохтмони НБО Роғун мавриди баррасӣ қарор дода шуд. Сафири Туркманистон аз вазъияти муносибатҳои имрӯзаи Тоҷикистон бо кишвараш изҳори қаноатмандӣ карда, вазири корҳои хориҷии Тоҷикистонро дилпур сохт, ки барои равнақу ривоҷи минбаъдаи муносибатҳои ҳар ду ҷумҳурӣ бо назардошти умумияти таърихию фарҳангӣ, анъанаҳои таърихии дӯстона ва бародаронаи халқҳои тоҷику туркман кӯшиш ба харҷ хоҳад дод.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
