МУЛОҚОТИ ЭМОМАЛӢ РАҲМОН БО АНДРЭ МЕРНИЕ
Душанбе, 6 май. (АМИТ «Ховар»). — Дирӯз Президенти Ҷумҳурии Тоҷикистон Эмомалӣ Раҳмон Дабири Кулли Хартияи Энергетикӣ Андрэ Мерниеро ба ҳузур пазируфт. Эмомалӣ Раҳмон ва Андрэ Мерние ин мулоқотро идомаи мантиқии сӯҳбате, ки онҳо се моҳ пеш дар шаҳри Брюсели Шоҳигарии Белгия доштанд, маънидод карда, ба таҳкиму густариши ҳамкорӣ ҳавасмандӣ зоҳир намуданд. "Кишвари мо дорои захираҳои бепоёни энергетикӣ аст ва барои мавриди истифода қарор додани онҳо мо ба ҳамкории васеъ дар ин соҳа манфиатдорем", — изҳор дошт Президенти Ҷумҳурии Тоҷикистон Эмомалӣ Раҳмон. Ба андешаи Эмомалӣ Раҳмон, "меъёру принсипҳои Аҳдномаи Хартияи Энергетикӣ, ки тамоми ҷанбаҳои фаъолиятро дар ин соҳа фаро мегиранд, заминаи хуби ҳамкорӣ ва истифодаи имкону захираҳои мавҷуда мебошанд". Андрэ Мерние дар посух изҳор дошт: -"Мо медонем, ки Тоҷикистон барои раҳоӣ аз бӯҳрони энергетикӣ ва таъмини рушди босуботи иқтисодиёт илоҷи дигаре ғайр аз истифодаи захираҳои гидроэнергетикии худ надорад" ва таъкид намуд, ки Хартияи Энергетикӣ омодааст ба татбиқи лоиҳаҳои энергетикии минтақаи Осиёи Марказӣ аз ҷумла дар Тоҷикистону Афғонистон мусоидати фаъол намояд.Дабири Кулли Хартияи Энергетикӣ мусоидат кардан ба эҷоди заминаи боэътимоди ҷалб ва ҳимояи сармоягузорӣ ба соҳаи энергетика ва ба бунёди бозори минтақавии нерӯи барқро аз ҳадафҳои асосии сафари худ ба Тоҷикистон маънидод кард. Эмомалӣ Раҳмон ва Андрэ Мерние оид ба фаъолгардонии меъёрҳои Аҳдномаи Хартияи Энергетикӣ дар минтақаи Осиёи Марказӣ дар мавриди ҳамкориҳои энергетикӣ, сохтмони нерӯгоҳҳои барқӣ ва хатҳои интиқол, таъмини транзити озоди нерӯи барқ ва ҳамчунин оид ба сарфакорона истифода бурдани захираҳои обӣ ва нерӯи барқ гуфтугӯйи судманд анҷом доданд. Ба гуфти Андрэ Мерние, Хартияи Энергетикӣ дар сурати вуҷуд доштани иродаи сиёсӣ метавонад дар ҳаллу фасли ҳуқуқии баҳсҳои мавҷудаи миёни кишварҳои Осиёи Марказӣ оид ба истифодаи захираҳои обию энергетикӣ саҳмгузор бошад. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
