НАСЛИ НАВРАС ПОСИ ХОТИРИ ГУЗАШТАГОНРО МЕДОРАД

                       Душанбе, 23 май. (АМИТ «Ховар», Бекназари Абӯбакр). — Имрӯз дар мактаби миёнаи таҳсилоти умумии №12-и ноҳияи Ёвон маросими поси хотири фарзанди барӯманди деҳаи Утаган Ҷунайдулло Бӯриев баргузор гардид.                         Ҷонишини директори мактаби мазкур Садриддин Ибодов ба мухбири АМИТ «Ховар» иттилоъ дод, ки аз соли 1994 инҷониб мактаби миёнаи таҳсилоти умумии №12 ноҳияи Ёвон ба номи Ҷунайдулло Бӯриев номгузорӣ шуда, аз ин баъд ҳамасола 23 май, ки рӯзи таваллуди ӯ мебошад, ёдбуд гузаронида мешавад.                          Мавриди зикр аст, ки Ҷ. Бӯриев оғози солҳои 90-уми асри гузашта ба ҳайси муовини аввали раиси Кумитаи иҷроияи ноҳияи Ёвон фаъолият карда, яке аз фаъолони ҳимояи сохти конститутсионӣ мебошад. Ӯ соли 1992 аз ҷониби афроди номаълум кушта шудааст.