ПОСИ ХОТИРИ ПРОФЕССОР МИНҲОҶ ҒУЛОМОВ

                       Душанбе, 21 май. (АМИТ «Ховар», Лудмила Дубинина). — Ба муносибати 80 — солагии рӯзи таваллуди олими машҳури соҳаи тиб, Арбоби шоистаи илми Тоҷикистон, узви вобастаи Академияи илмҳои тиббии Федератсияи Русия, профессор Минҳоҷ Ғуломов дар Донишгоҳи давлатии тиббии ба номи Абӯлӣ ибни Сино бо иштироки донишҷӯёну омӯзгорон ва меҳмонон конфронси илмӣ баргузор гардид. Дар он дар бораи пешрафти соҳаи тиб ва дастовардҳои олимони тоҷик, инчунин, саҳми профессор М.Ғуломов дар ташкили муассисаҳои тиббии табобати бемориҳои асаб, майзадагӣ ва нашъамандӣ маърӯзаҳо хонда шуданд. Мудири кафедраи ҷарроҳӣ, академик Н.Усмонов, корманди кафедраи бемориҳои асаб ва нашъамандии ба номи М.Ғуломов З.Қодирова дар бораи ҳаёту эҷодиёти М.Ғуломов сухан ронданд. Дар робита вазъи имрӯзаи соҳаи тиб дар Тоҷикистон ва хусусан табобати бемориҳои асаб, нашъамандӣ ва майзадагӣ дар Тоҷикистон, истифодаи дастовардҳои илми тибби ҷаҳонӣ, ташхиси дурусти беморӣ ва табобати беморон мавриди баррасӣ қарор гирифтанд.