ПРЕЗИДЕНТИ НАВИ ЛИТВА

                        Вилнюс, 19 май. (АМИТ «Ховар» — Лента. Ру). — 17 май дар Ҷумҳурии Литва интихоботи президент баргузор гардид. Дар он яке аз сиёсатмадорони машҳури мамлакат Даля Грибаускайте ғолиб омад, ки қабл аз ин дар вазифаи намояндаи Комиссияи Аврупо дар масъалаҳои буҷет ва барномасозии молиявӣ кор мекард. Бештар аз 70 фоизи интихобкунандагон ба тарафдории ӯ овоз доданд. Д.Грибаускайте дар вазифаи президенти ҷумҳурӣ Валдас Адамкасро иваз менамояд, ки дар давоми ду мӯҳлат ба мамлакат сарварӣ кардааст.                        Даля Грибаускайте дар шаҳри Вилнюс таваллуд шуда, Донишгоҳи давлатии Ленинградро бо ихтисоси «иқтисодиёти сиёсӣ» хатм кардааст. Ӯ дар оғози солҳои 90 — уми асри гузашта дар системаи Вазорати корҳои хориҷӣ кор кардааст. Аввали солҳои 2000 — ум аввал муовини вазир ва баъд вазири молия таъин гардид.                        Литва соли 2004 узви Иттиҳоди Аврупо гардид. Дар робита Д.Грибаускайте намояндаи Комиссияи Аврупо дар масъалаҳои буҷет ва барномасозии молиявӣ интихоб шуд.                        Хабар дода мешавад, ки маросими савгандёдкунии Президенти нави Литва 12 июл баргузор мегардад.