ПРЕЗИДЕНТИ ТУРКИЯ БА ТОҶИКИСТОН ТАШРИФ МЕОРАД
Душанбе, 28 май. (АМИТ «Ховар», Наргис Бояхмедова). — Президенти Ҷумҳурии Туркия Абдулло Гул бегоҳии имрӯз барои боздиди расмӣ ба Тоҷикистон ташриф меорад. Ӯ зимни сафар бо Президенти Ҷумҳурии Тоҷикистон Эмомалӣ Раҳмон, Сарвазир Оқил Оқилов, раиси Маҷлиси миллӣ Маҳмадсаид Убайдуллоев ва раиси Маҷлиси намояндагон Сайдулло Хайруллоев мулоқот хоҳад кард. Дар фарҷоми ин мулоқотҳо силсилаи ҳуҷҷатҳо имзо карда мешаванд. Мухбири АМИТ «Ховар» хабар медиҳад, ки Президенти Туркия баъдан ба шаҳри Турсунзода рафта, бо фаъолияти Ширкати алюминии Тоҷикистон шинос мегардад. Инчунин, боздиди Абдулло Гул аз Литсейи муштараки Тоҷикистону Туркия ба номи Ҳоҷикамол ва мулоқоти ӯ бо туркҳои сокини Тоҷикистон, инчунин, омӯзгорону донишҷӯёни Донишгоҳи миллии Тоҷикистон пешбинӣ карда мешаванд. Президенти Туркия 29 май дар мулоқоти соҳибкорону тоҷирони Тоҷикистону Туркия иштирок хоҳад кард. Аз дафтари матбуоти Вазорати корҳои хориҷӣ ба АМИТ «Ховар» хабар доданд, ки ҳамроҳи Президенти Туркия бештар аз сад нафар соҳибкорону тоҷирони ин мамлакат ба Душанбе меоянд. Аз рӯи маълумоти Кумитаи давлатии омор, маблағи хариду фурӯши мол дар байни Тоҷикистону Туркия соли гузашта қариб 500 миллион доллари ИМА — ро ташкил дод. Ин ба 10,7 фоизи хариду фурӯши мол дар байни Тоҷикистон ва мамлакатҳои хориҷӣ баробар аст. Маблағи хариду фурӯши мол дар байни ҳар ду кишвар дар давоми чор моҳи аввали соли 2009 ба 54 миллиону 787 ҳазор доллари ИМА расид, ки нисбат ба ҳамин давраи соли гузашта 26,3 фоиз зиёд мебошад.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
