ҚОИДАВАЙРОНКУНАНДАГОН ҶАЗОИ МАЪМУРӢ ГИРИФТАНД

                 Душанбе, 4 июн. (АМИТ «Ховар», Лаззат Диловарзод).- Ба чашм чунин мерасад, ки ҳамаи нуқтаҳои фурӯши сӯзишворӣ аз рӯи қоидаанд, вале чорабиниҳое, ки аз тарафи Раёсати корҳои дохилии шахри Душанбе гузаронида шуд, фикри моро ботил сохт,- иброз намуданд ронандагони микроавтобусҳое, ки ба соҳибкорӣ машғуланд.                 Бино ба гуфти сардори Раёсати корҳои дохилии шаҳри Душанбе, полковники милитсия Ф.Г. Саидов, ҳангоми гузаронидани як чорабинӣ дар ҳудуди шаҳри Душанбе 71 «Автозаправка» ва 8 нуқтаи фурӯши сӯзишвории иҷозатнома надошта муайян карда шуд. Ҳамаи онҳо ба ҷазои маъмурӣ кашида шуданд. Нисбати 51 нафари онҳо протоколи қоидавайронкунии маъмурӣ тартиб дода шуда, ба маблағи умумии 1760 сомонӣ ҷарима карда шуданд. Вобаста ба 16 нафар ронандагони мошинҳои сӯзишворифурӯшӣ протоколи қоидавайронкунии маъмурӣ тартиб дода шуда, ба суди шаҳри Душанбе фиристода шуданд.                 Гузаронидани чунин чорабиниҳо дар марказ ба нақшаи кории Раёсати корҳои дохилии шаҳриДушанбе ворид карда шудааст.