ҲАВОПАЙМОҲО БОЗ АЗ ДУШАНБЕ БА СОЧИ ПАРВОЗ МЕКУНАНД

                Душанбе, 15 июн. (АМИТ «Ховар», Наталя Михайлова).- 11 июн ҳавопаймои мусофирбари ширкати ҳавопаймоии «Tajik Air» нахустин бор аз Душанбе ба шаҳри Сочи парвоз кард. Бо ҳамин ҳавопаймо 31 нафар ба Сочи рафтанд. Нархи чиптаи ҳавопаймо 270 евро буда, вақти парвози он 4 соатро ташкил медиҳад.               Ҳавопаймои мазкур ҳафтае як бор ба Сочи парвоз мекунад. Парвози ҳавопаймоҳо дар байни Душанбе ва Сочи 16 сол пеш қатъ гардида буд.                Мухбири АМИТ «Ховар», хабар медиҳад, ки ширкатҳои ҳавопаймоии Тоҷикистону Русия дар бораи ҳамкорӣ созишнома имзо карда буданд.               Мувофиқи созишнома ҳавопаймоҳои Тоҷикистон ба 7 шаҳри Русия парвоз хоҳанд кард. Кушодашудани роҳи ҳавоии Душанбе-Сочи натиҷаи ҳамин созишнома аст.