5 НАФАР БА АСАРИ ТАРКИШУ СӮХТОР ЗАРАР ДИДАНД

                           Душанбе, 1 июн. (АМИТ «Ховар», Анварбек Сиддиқов). — 31 май тақрибан сотаи 20: 57 дақиқа дар шаҳри Конибодоми вилояти Суғд дар хонаи истиқоматии Дӯстматов Алишер дар натиҷаи таркиши балони газ сӯхтор дар масоҳати 27 метри мураббаъ ба амал омад. Дар натиҷа аъзоёни ин оила Дӯстматова Дилафрӯз, Инохонов Илёз, Дӯстматова Маҳмиё, Абдуллоев Бахтиёр ва Абдуллоева Ситора ҷароҳати сӯхтагии дараҷаи дуюм ва сеюм гирифтанд. Ба ҷои ҳодиса ба таври фаврӣ кормандони оташнишонӣ, гурӯҳи фаврии ШКД, прокуратура, кормандони хадамоти газтаъминкунӣ ва ёрии таъҷилии ноҳия ҳозир шуданд. Сабабҳои рух додани сӯхторро коршиносон аз тарзи нодуруст истифода бурдани қоидаҳои бехатарии таҷҳизоти газиро маънидод карданд. Хисороти сӯхтор 6 ҳазор сомониро ташкил дод.                          Тавре ба АМИТ «Ховар» аз Раёсати давлатии хадамоти оташнишонии ВКД-и кишвар хабар доданд, ҳамаи шахсони зарардидагон дар беморхона табобат гирифта истодаанд.