АМАЛИЁТҲОИ БОБАРОРИ ВКД

                Душанбе, 24 июн. (АМИТ «Ховар», Анварбек Сиддиқов). -23 июн, кормандони Шӯъбаи мубориза бар зидди гардиши ғайриқонунии маводи нашъаовари ШКД-и ноҳияи Ҳисор дар натиҷаи гузарОнидани амалиёти махсус, сокини шаҳри Душанбе Сафаралӣ Мировро дастгир намуданд. Ҳангоми кофтуков аз ӯ 1 кг героин ёфт ва мусодира карда шуд. Инчунин, дар ҳамин вақт дар дидбонгоҳи БДА-и «Чорбоғ»-и ноҳияи Варзоб кормандони шӯъбаи панҷуми Раёсати мубориза бар зидди гардиши ғайриқонунии маводи нашъаовари ВКД-и Ҷумҳурии Тоҷикистон амалиёти махсус гузаронида, дар натиҷа сокини ноҳияи Истаравшан Нозимҷон Давлатовро бо 1 кг 768 гр ҳашиш боздошт намуданд.               Тавре аз ВКД-и ҷумҳурӣ ба АМИТ «Ховар» хабар доданд, оиди ҳардуи ин ҳодиса парвандаи ҷиноӣ оғоз карданд.