БОЗДИДИ ПРЕЗИДЕНТИ ҶУМҲУРӢ АЗ НОҲИЯИ ХУРОСОН
Хуросон 9 июн. (АМИТ «Ховар», Фарангис Рахимова).- Президенти Ҷумҳурии Тоҷикистон Эмомалӣ Раҳмон субҳи имрӯз зимни сафари корӣ ба вилояти Хатлон аз ноҳияи Хуросон боздид ба амал овард, ки аввали фасли баҳори соли равон бар асари боришҳои шадиду тӯлонӣ зарари калон дида буд. Сарвари давлат бо вазъияти ноҳия ва ҷараёни корҳои барқарорсозӣ дар маҳалҳои зарардида шинос шуд. Ў аз ҷараёни корҳо изҳори норизоӣ намуда, вазири мелиоратсия ва захираҳои оби ҷумҳурӣ Саид Ёқубзодро барои муносибати бепарвоёнааш нисбат ба вазифа сарзаниш намуд. Ба қавли Президенти ҷумҳурӣ яке аз сабабҳои рух додани фалокат сари вақт тоза накардани каналҳои минтақа мебошад. Мухбири АМИТ «Ховар» ёдовар мешавад, ки моҳи майи соли равон чанд деҳаи ноҳияи Хуросон бар асари омадани сел зарари калон дид. Бисёр сокинони ин деҳаҳо бесарпаноҳ монданд. Сардори давлат супориш дод, ки то моҳи октябр ба 500 оилаи бесарпаноҳмонда манзили истиқоматӣ дода шавад, 132 хона бепул сохта бо тамоми асбобу анҷоми зарурии рӯзгор таъмин карда хоҳад шуд. 310 оила бо масолеҳи бинокорӣ таъмин карда, ба 58 оила қитъаи замин дода мешавад. Эмомалӣ Раҳмон ба роҳбарони шаҳру ноҳияҳои вилоят супориш дод, ки дар деҳаҳои зарардида 70 хона созанд. Сохтмони 49 хона ба зиммаи вазорату идораҳои ҷумҳурӣ гузошта шуд, 10 хона аз ҳисоби буҷети вилояти Суғд сохта мешавад. Президент ходимони дини вилоятро низ даъват кард, ки аз ҳисоби худ як хонагӣ созанд. Роҳбарияти вилоят дар муддати кӯтоҳ нақшаи сохтмони мактабҳо ва муоинагоҳҳои тиббиро таҳия намуда, ба бинокорон пешниҳод хоҳад кард. Бо супориши Сарвари давлат биноҳои истиқоматӣ дар ин ҷо то 6 ноябр сохта ба истифода дода мешаванд. Инчунин дастур дода шуд, ки 350 нафар фарзандони оилаҳои зарардида аз ҳисоби буҷети вилоят ва 100 нафари дигар аз ҳисоби буҷети ҷумҳурӣ ба истироҳатгоҳҳои тобистона ва осоишгоҳҳо фиристода шаванд. Президенти Ҷумҳурӣ баъди боздид аз ноҳияи Хуросон ба ноҳияи Бохтар рафт. Сафари ӯ дар вилояти Хатлон давом дорад.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
