МУЛОҚОТИ ҒАЙРИРАСМӢ ДАР ИТАЛИЯ

                   Маскав, 25 июн. (АМИТ «Ховар», Ҳалима Хушқадамова).- Муншии умумии Созмони аҳдномаи амнияти дастаҷамъӣ Николай Бордюжа дар мулоқоти ғайрирасмии вазирони корҳои хориҷии мамлакатҳои аъзои САҲА ва роҳбарони созмонҳои байналхалқӣ ширкат меварзад, ки рӯзҳои 27-28 июн дар ҷазираи Корфуи Италия баргузор хоҳад гашт.                   Н. Бордюжа дар майдони ҳавоӣ қабл аз парвоз ба Италия зимни сӯҳбат бо хабарнигорон зикр намуд, ки мулоқоти мазкур дар таърихи умумиаврупоӣ ҳамто надорад. Зеро вазирони корҳои хориҷии давлатҳои аъзои СААД, роҳбарони созмонҳои байналхалқии дар минтақаҳои Аврупо ва Атлантика фаъолиятдошта — Созмони аҳдномаи амнияти дастаҷамъӣ, Иттиҳоди давлатҳои мустақил НАТО, Иттиҳоди Аврупо ва Созмони амнияту ҳамкории Аврупо бори аввал якҷоя сари мизи мушовара хоҳанд нишаст. Ин мулоқот ғайрирасмӣ бошад ҳам, имкон хоҳад дод, ки роҷеъ ба ҳамаи масъалаҳои таъмини амният ва ҳамкорӣ дар минтақаҳои Аврупо ва Атлантика табодули назар карда шавад.                 Мухбири АМИТ «Ховар» хабар медиҳад, ки мулоқоти ғайрирасмии вазирони корҳои хориҷии давлатҳои аъзои СААД ва роҳбарони созмонҳои байналхалқӣ тибқи пешниҳоди раиси ҳозираи созмон, вазири корҳои хориҷӣ Д. Бакояни баргузор мегардад.                                                                                                Тарҷумон Қудратов А.