МУНОСИБАТҲОИ ИҚТИСОДИИ ТОҶИКИСТОНУ ЧИН ГУСТАРИШ МЕЁБАНД
Душанбе, 5 июн. (АМИТ «Ховар»).- Ҷумҳурии Чин шарикии боэътимоди худро бо Ҷумҳурии Тоҷикистон дар доираи васеи барномаҳои иқтисодӣ қавӣ менамояд. Маблағи сармоягузориҳо танҳо дар чор созишномаи, ки ба наздикӣ миёни Тоҷикистон ва ширкатҳои хитоӣ ба имзо расида, зиёда аз як миллиард даллари ИМА-ро ташкил медиҳад. Дар доираи ҳамин созишномаҳо нерӯгоҳи обии Нуробод — 1, ки иқтидори лоиҳавиаш 350 мегават мебошад, Маркази барқу гармидиҳии Душанбе- 2 бо ангишт (200 мегаватт) ва заводи пуриқтидори семент, ки дар як сол як миллион тонна маҳсулот истеҳсол менамояд, сохта хоҳад шуд. Ширкатҳои чинӣ омода ҳастанд, ба сохтмон ва азнавсозии роҳи Душанбе-Данғара-Кӯлоб-Қалъаи Хумб-Хорӯғ-Кулма-Қошғар, ки дарозии он 1009 км мебошад, ҷиддан машғул шаванд. Барои амалӣ сохтани нақшаи марҳилаи якуми азнавсозии роҳи мошингарди Душанбе — Данғара аллакай 51 миллион доллари амрикоӣ ҷудо шудааст. Як қатор ширкатҳои чинӣ ба соҳаи кӯҳкории Тоҷикистон, аз ҷумла барои истеҳсоли тилло, нуқра, мис, сурб ва рӯҳ 400 миллион доллари амрикоӣ маблағгузорӣ хоҳад кард. Бо қарзҳои имтиёзнок ва кӯмакҳои бебозгашти Чинӣ дар кишвар 4 лоиҳаи калонҳаҷми инвеститсионӣ ба маблағи 640 миллион доллари амрикоӣ амалӣ шуда истодааст. Ин маблағҳо барои сохтмон ва азнавсозии шоҳроҳи Душанбе- Хуҷанд- Чанак, сохтмони хатҳои барқии 220 киловолтаи Лолазор — Хатлон ва 500 киловолтаи Ҷануб — Шимол ва нақби Шаршар равона шудаанд. Қобили зикр аст, ки барои амали сохтани корҳои иловагии сохтмони хатҳои барқии дар боло зикр шуда, бо ба имзо расонидани созишномаҳо 61 миллион доллари амрикоии дигар ҷудо мегардад. Ҳамин тавр маблағи умумии сармоягузории чинӣ ба иқтисодиёти Тоҷикистон ду миллиард доллари амрикоиро ташкил медиҳад. Ҳаҷми гардиши мол миёни Тоҷикистону Чин низ бо суръат афзоиш меёбад. Дар семоҳаи якуми соли равон афзоиши он 84%-ро ташкил дод. Соли 2008 ҳаҷми умумии гардиши мол миёни ду кишвари ҳамсоя 1 миллиарду 250 миллион доллари амрикоиро ташкил дод.
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
