НАҚШАИ АНДОЗҲОИ ИҶТИМОӢ ИҶРО НАГАРДИД

                   Душанбе, 5 июн. (АМИТ «Ховар», Лаззат Диловарзод).- Талаби нафақа ва кӯмакпулиҳое, ки ба воситаи муассисаҳои Бонки давлатии амонатгузории Ҷумҳурии Тоҷикистон «Амонатбонк» пардохта мешаванд дар давоми чор моҳи аввали соли ҷорӣ 69901,8 ҳазор сомониро ташкил дод. Аз ҷониби мақомоти Агентиии давлатии суғуртаи иҷтимоӣ ва нафақаи Вазорати меҳнат ва ҳифзи иҷтимоии аҳолӣ бошад, дар ҳаҷми 68258,3 ҳазор сомонӣ маблағ ба ин самт равона карда шудааст.                   Аз ҳисоби маблағҳои мутамарказонидашуда, Агентии давлатии суғуртаи иҷтимоӣ ва нафақа ҳиссаи ба ӯҳдагирифтаашонро пурра маблағгузорӣ гардидааст.                  Маблағи напардохтаи нафақа дар ҳаҷми 1643,5 ҳазор сомонӣ боқӣ мондааст, ки ба ноҳияҳои Вахш, Хуросон, Бохтар, Ҳамадонӣ, Восеъ ва Фархори вилояти Хатлон рост меояд.                  Сабаби саривақт маблағгузорӣ нашудани нафақа, иҷро нагардидани нақшаи андозҳои иҷтимоӣ дар ноҳияҳои дар боло зикршуда мебошад.