ПАРЛУМОНИ ТОҶИКИСТОН СОЗИШНОМАҲОИ ҲАМКОРИРО БА ТАСВИБ РАСОНД
Душанбе, 24 июн.(АМИТ «Ховар», Марзия Саидова).-Созишнома дар бораи ҳамкории вазоратҳои мудофиаи давлатҳо- иштирокчиёни Иттиҳоди Давлатҳои Мустақил дар соҳаи назорати вазъи радиатсионӣ, химиявӣ ва биологӣ, Созишномаи байни Ҷумҳурии Тоҷикистон ва Ҷумҳурии Латвия оид ба канорагирӣ аз андозбандии дукарата ва пешгирӣ намудани саркашӣ аз андозҳо аз даромад ва сармоя дар ҷаласаи навбатии иҷлосияи панҷуми Маҷлиси намояндагони Маҷлиси Олии ҷумҳурӣ ба тасвиб расиданд. Созишномаҳои мазкур ҷиҳат тақвияти робитаҳои иқтисодию тиҷоратии Ҷумҳурии Тоҷикистон бо Ҷумҳурии Латвия ва тавсеаи ҳамкории вазоратҳои мудофиаи кишварҳои ИДМ дар бахши назорати вазъи радиатсионӣ, химиявӣ ва биологӣ нақши муассир мебозад. Ҳамчунин, вакилони палатаи поёнии парлумони Тоҷикистон лоиҳаи Қонунҳои Ҷумҳурии Тоҷикистон «Дар бораи мақомоти худидоракунии шаҳрак ва маҳал», «Оид ба ворид намудани илова ба Қонуни Ҷумҳурии Тоҷикистон «Дар бораи маориф», «Оид ба ворид намудани илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2009» ва масъалаи сарҳадҳои ҳудудии Минтақаҳои озоди иқтисодии «Суғд» ва «Панҷ»- ро баррасӣ ва қабул намуданд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
