ПРЕЗИДЕНТИ ТОҶИКИСТОН РАИСИ ИФТИХОРИИ ФЕДЕРАТСИЯИ САМБОИ ОСИЁИ МАРКАЗӢ ИНТИХОБ ШУД
Душанбе, 11 июн. (АМИТ «Ховар», Пайрав Назаров).- Дар шаҳри Тошканд таҳти васояти Федератсияи самбои мамлакатҳои Осиё анҷумани муассисони Федератсияи самбои Осиёи Марказӣ баргузор гардид. Иштирокчиёни анҷуман Президенти ҷумҳурии Тоҷикистон Эмомалӣ Раҳмонро якдилона раиси ифтихории федератсияи мазкур интихоб намуданд. Дар муроҷиатномаи ба унвони Президенти Тоҷикистон фиристодаи иштирокчиёни анҷуман ба саҳми калони ӯ дар рушди соҳаи варзиш баҳои баланд дода мешавад. Дар муроҷиатнома изҳори умед карда шудааст, ки бо дастгирии сарвари давлат варзиши самбо дар минтақаи Осиёи Марказӣ ва тамоми мамлакатҳои Осиё боз ҳам бештар густариш хоҳад ёфт. Анҷуман таҳти раёсати раиси Федаратсияи самбои Осиё Фазлиддин Пӯлодов гузашт. Дар он намояндагони 5 мамлакати Осиёи Марказӣ, мушоҳидон ва намояндагони воситаҳои ахбори оммавӣ ширкат варзиданд. Намояндагони Тоҷикистон Маҳмуди Абдулло, Туркманистон- Ато Адоев, Қирғизистон — Нурлан Туқунаев, Қазоқистон- Асилбек Қулмагамбетов муовинони раис ва Ўзбекистон-Ҷалолиддин Ойхоҷаев муншии умумии федератсия интихоб гардиданд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
