ТАРТИБИ НАВИ ГИРИФТАНИ ИҶОЗАТ БАРОИ ФАЪОЛИЯТИ БИНОКОРӢ
Душанбе, 27 июн. (АМИТ «Ховар», Людмила Дубинина).- Аз 1 июли соли равон сар карда, дар мамлакат тартиби нави соддакардашудаи гирифтани иҷозатнома барои фаъолияти бинокорӣ ҷорӣ карда мешавад. Ҳамоҳангсози барномаи мазкур Азиза Мавлонова ба мухбири АМИТ «Ховар» гуфт, ки тартиби нави гирифтани иҷозати фаъолияти бинокорӣ бо мақсади ҷалби бештари сармоя ба соҳаи сохтмон ҷорӣ карда мешавад. Тартиби нав интихоб ва ҷудо кардани қитъаи заминро барои сохтмони биноҳо ва иншоотҳо, гирифтани ҳуҷҷатҳои нақшавӣ ва техникӣ, омода сохтан ва мувофиқа намудани ҳуҷҷатҳои лоиҳавӣ, гирифтани иҷозатро барои оғози корҳои сохтмонӣ ва қабули биноҳои сохтмонашон анҷомёфтаро пешбинӣ менамояд. Бояд гуфт, ки мувофиқи тартиботи нав тамоми ҳуҷҷатҳои марбут ба гирифтани иҷозатномаи фаъолияти бинокорӣ дар як муассиса ба қайд гирифта мешаванд. Биноҳо ва иншоотҳои сохтмонашон анҷом ёфтаро комиссияи махсуси давлатӣ қабул хоҳад кард. Қайд карда шуд, ки акнун барои гирифтани иҷозатномаи фаъолияти бинокорӣ аз 3 то 30 рӯз вақт сарф мешаваду халос.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
