ЗАДУХЎРДИ МУСАЛЛАҲОНА ДАР САРҲАД
Душанбе, 3 июн. (АМИТ «Ховар», Наталья Михайлова).- Марзбонони Раёсати умумии сарҳадии Кумитаи давлатии амнияти миллӣ соати 4-и субҳи 1 июн дар доираи амалиёти «Кӯкнор-2009» дар ҳудуди посгоҳи сарҳадии Панҷи поён амалиёти махсус гузарониданд. Дар ин ҷо, тибқи хабари пешакӣ расида, аз қаламрави Давлати Исломии Афғонистон тавассути дарёи Панҷ ба воситаи қаиқ гурӯҳи қочоқчиёни мусаллаҳ таҳти роҳбарии Қорӣ валади Ҳошим ба қаламрави Тоҷикистон гузаштан мехост. Марзбонони тоҷик шабона гузаргоҳи қочоқчиёнро муайян намуда, дар он ҷо камин гирифтанд. Баъди аз дарё гузаштани қочоқчиён байни онҳо ва марзбонони тоҷик задухӯрди мусаллаҳона рух дод. Дар ҷараёни он як нафар қочоқчӣ кушта шуд. Қочоқчиёни дигар аз торикии шаб ва қамишзор истифода бурда ба қаламрави Афғонистон ақиб нишастанд. Марзбонони тоҷик баъди анҷоми задухӯрд дар маҳалли воқеа як ҷасади қочоқчӣ, як халтаи 10 килограммаи афюни хом ва як туфангчаи Макаровро дарёфт намуданд. Дар натиҷаи задухӯрд як марзбони тоҷик маҷрӯҳ шуд. Мухбири АМИТ «Ховар» хабар медиҳад, ки аз рӯи ин воқеа парвандаи ҷиноӣ кушода шуд. Айни ҳол шахсияти қочоқчии ҳалокшуда муайян карда мешавад.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
