БОЗРАСИИ ДАВЛАТИИ АВТОМОБИЛИ ТОҶИКИСТОН 73- СОЛА ШУД
Душанбе, 2 июл. (АМИТ «Ховар», Наталя Михайлова).-3 июл дар саросари мамлакат 73-солагии таъсиси Идораи бозрасии давлатии автомобили ҷумҳурӣ ботантана таҷлил карда мешавад. 3 июли соли 1936 бо қарори Шӯрои комиссарони халқ Низомномаи фаъолияти Инспексияи давлатии автомобили Раёсати умумии милисаи коргару деҳқони Комиссариати халқии корҳои дохилии ИҶСШ тасдиқ шуда буд. Дар он вазифа, ҳуқуқ ва ӯҳдадориҳои идораи бозрасии давлатии автомобили ИҶСШ муайян карда шуда буданд. Иттиҳоди Шӯравӣ солҳои 60-уми асри гузашта ба Муоҳидаи байналхалқии ҳаракати роҳ ҳамроҳ гардид. Қоидаҳои ягонаи ҳаракати роҳ дар Иттиҳоди Шӯравӣ аз 1 январи соли 1961 ҷорӣ карда шуданд. Моҳи феврали соли 1992 вобаста ба барҳам хӯрдани Иттиҳоди Шӯравӣ сохтори нави Вазорати корҳои дохилии Тоҷикистон муқаррар намуда, дар ҳайати он Раёсати бозрасии давлатии автомобил ташкил карда шуд. Баъди ба охир расидани ҷанги дохилӣ дар Тоҷикистон Низомномаи нави фаъолияти БДА тасдиқ карда шуд. Ҳамон солҳо қонуни ҷумҳурии Тоҷикистон «Дар бораи ҳаракати роҳ» қабул карда шуд. Аз дафтари матбуоти Раёсати бозрасии давлатии автомобили ҷумҳурӣ ба АМИТ «Ховар» хабар доданд, ки дар арафаи ҷашни 73-солагии БДА дар саросари ҷумҳурӣ озмуни корманди беҳтарини БДА гузаронида мешавад. Ба ғолибони он дипломҳо ва тӯҳфаҳои хотиравӣ супурда мешаванд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
