ДАР «ТВ САФИНА» СТУДИЯИ ФИЛМҲО СОХТА МЕШАВАД

                   Душанбе, 6 июл. (АМИТ «Ховар», Лутфия Эшонқулова).- Директори Муассисаи давлатии «Телевизиони Сафина» Маҳмадсаид Пиров имрӯз барои хабарнигорон нишасти матбуотӣ ташкил намуд. Вай зикр кард, ки пахши барномаҳои телевизиони «Сафина» дар вилояти Суғд ба талаботи имрӯза ҷавоб дода наметавонад. Қайд карда шуд, ки ин проблема бояд то охири ҳамин сол мусбат ҳал карда шавад.                  М. Пиров хабар дод, ки дар телевизиони «Сафина» таҳияи филмҳои бадеии «Пуштаи хандақпеч» ва «Чӯҷаҳо», инчунин филми мустанади «Найсон-2009» анҷом ёфт.                   Қайд карда шуд, ки дар шӯъбаи тарҷумаҳои телевизиони «Сафина» 15 филми бадеӣ ва 28 филми мустанад ба забони тоҷикӣ тарҷума карда шуд. Мо ният дорем, ки ояндаи наздик дар телевизиони «Сафина» студияи филмсозӣ таъсис диҳем, гуфт М. Пиров.Тарҷумон Қудратов А.