ХИСОРОТРО АЗ ҲУКУМАТИ ҶУМҲУРӢ ПИНҲОН ДОШТАНД
Душанбе, 29 июн. (АМИТ «Ховар», Лаззат Диловарзод).- Соли ҷорӣ дар натиҷаи боронгариҳои зиёд садҳо оилаҳо хисороти молӣ диданд. Як чиз боиси таассуф аст, ки аз ҳодисаи табии д ар деҳаи Тоҷиксойи ноҳияи Панҷ ,ки бар асари сел 27 оила хисороти зиёди моддӣ ва то ҳатто ҷонӣ ҳам дид, мақомоти ҳолатҳои фавқулодда ва роҳбарияти вилояти Хатлон ба Ҳукумати ҷумҳурӣ маълумот пешниҳод накарданд. Ин буд, ки то ташкил ёфтани комиссияи махсуси давлатӣ касе аз намояндагони Ҳукумати ҷумҳурӣ дар бораи ҳодисаи зери лой мондани хонаҳои истиқоматии 27 оилаи Тоҷиксойи ноҳияи Панҷ огоҳӣ надоштанд. Баъди пешниҳод намудани маълумот аз ҷониби комиссияи махсуси ҳукуматӣ, бо супориши Президенти кишвар Эмомалӣ Раҳмон ба таври фаврӣ расонидани кӯмак аз ҷониби Ҳукумати ҷумҳурӣ оғоз ёфт ва дар як муддати кӯтоҳ ба зарардидагони ноҳияи Панҷ ба миқдори 150 тонна семент аз маркази ҷумҳурӣ интиқол дода шуд. Рӯзҳои наздик барои бунёди хонаҳои истиқоматӣ аз ҷониби Ҳукумати ҷумҳурӣ ба миқдори зарурӣ тахта ва шифер низ расонида мешавад. Бино ба гуфти раиси ноҳия Мирзодавлат Сабуров, бо кӯмаки ҳукумати ноҳияи Панҷ ду оила ва бо кӯмаки эмомхатибони ноҳия барои як оила хона бунёд мегардад. Ба гуфти сокинони деҳаи Тоҷиксой на ҳамаи оилаҳои камбизоати инҷо то тирамоҳ барои худ хонаҳои истиқоматӣ бунёд карда метавонанд. Аз ин рӯ, сокинони деҳаи Тоҷиксой ба кӯмаку дастгирии ноҳияҳои дигари ҷумҳурӣ ниёз доранд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
