НАҚШАҲО ИҶРО МЕШАВАНД

                   Хуҷанд, 21 июл. (АМИТ «Ховар», Санавбар Мақсудова). — Сардори раёсати умумии молиявии вилояти Суғд Анвар Мирзоев ба мухбири АМИТ «Ховар» гуфт, ки дар давоми шаш моҳи гузаштаи соли равон ба буҷети вилоят аз ҳисоби ҷамъоварии андозҳо 182,2 миллион сомонӣ ворд карда шуд. Ин нисбат ба нақшаи пешбинишуда 16,8 миллион сомонӣ зиёд аст.                   Дар давоми шаш моҳи гузашта танҳо барои сохтмони иншоотҳои идона, аз ҷумла, Литсеи Президентӣ, бинои истиқоматии нӯҳошёна, майдони марказии «Варзишгоҳ», маркази нави табобати бемориҳои дил ва ғайра аз ҳисоби буҷет 35,5 миллион сомонӣ ҷудо карда шуд. Бояд гуфт, ки 77,7 фоизи буҷети вилоятро хароҷоти соҳаҳои маориф, тандурустӣ ва фарҳанг ташкил медиҳад.                  А.Мирзоев зикр намуд, ки дар натиҷаи амалӣ сохтани тадбирҳои самарабахши ҷамъоварии пардохтҳо ба ҳисоби Фонди устуворгардонии рушди иқтисодиёти мамлакат зиёда аз 2,1 миллион сомонӣ гузаронида шуд.                                                                                                          Тарҷумон — Қудратов А.