НИШАСТИ МАТБУОТӢ ДАР ХАДАМОТИ ГУМРУК
Душанбе, 13 июл. (АМИТ «Ховар», Наталя Михайлова).- Имрӯз дар Хадамоти гумруки назди ҳукумати ҷумҳурӣ бахшида ба натиҷаҳои 6 моҳи аввали соли равон нишасти матбуотӣ баргузор гардид. Дар ин бора муовини аввали роҳбари хадамоти гумруки назди ҳукумати ҷумҳурӣ Неъмат Раҳматов маълумот дод. Вай зикр намуд, ки бӯҳрони ҷаҳонии молиявӣ ба ҳаҷми пардохтҳои гумрук дар мамлакати мо низ таъсири калон расонд. Дар нимаи аввали соли равон ҳаҷми содироти мол аз Тоҷикистон ду баробар кам шуд, инчунин ҳаҷми воридот низ хеле коҳиш ёфт. Кормандони гумрук бо вуҷуди ин нақшаҳои ҷамъоварии пардохти гумрукро то ҳадди имкон иҷро менамоянд. Дар натиҷа дар ин муддат ба ҳисоби буҷети давлат 668, 5 миллион сомонӣ ворид гардид. Аз ҳисоби гирифтани ҷаримаҳо ва мусодираи моликият 2,2 миллион сомонӣ ҷамъ оварда шуд, ки нисбат ба ҳамин давраи соли гузашта 898116 сомонӣ зиёд мебошад. Илова бар ин дар муддат 2573 ҳодисаи риоя накардани қонунҳои гумрук ба қайд гирифта шуд. Аз ин ҷумла 21 ҳодиса дар соҳаи гумрук ва 18 ҳодиса қочоқи маводи нашъадор мебошад. Дар ин маврид 77 килограму 916 грамм маводи нашъадор мусодира карда шуд. Дар соҳаи ташкили мубориза ба муқобили ғайриқонунӣ ворид сохтани мол 172 ҳодиса ба қайд гирифта шуд. Аз ҷумла, 36 ҳодисаи ғайриқонунӣ ворид сохтани маводи сӯхт, 42 ҳодисаи ғайриқонунӣ ворид намудани нӯшокиҳои спиртдор, 22 ҳодисаи ғайриқонунӣ ворид сохтани тамоку ва 69 ҳодисаи ғайриқонунӣ ба қаламрави Тоҷикистон ворид намудани мошинаҳои сабкурав ба қайд гирифта шуд. Хадамоти гумруки назди ҳукумати ҷумҳурӣ барои расондани кӯмак ба сокинони зарардидаи ноҳияи Хуросон дар ин ҷо 3 бинои истиқоматӣ сохт. Қайд карда шуд, ки мубориза ба муқобили ришвахӯрӣ мисли пештара яке аз вазифаҳои муҳимтарини кормандони гумрук мебошад. Дар давоми 6 моҳи гузашта нисбати кормандони гумрук 3 парвандаи ҷиноӣ кушода шуд. Дар ин давра 58 корманди гумрук ба ҷавобгарии маъмурӣ кашида шудааст. Соли гузашта дар давоми 6 моҳ 26 корманди гумрук ҷазо гирифта буд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
