НИШАСТИ МАТБУОТИИ ПРОКУРОРИ ГЕНЕРАЛӢ
Душанбе, 7 июл. (АМИТ «Ховар», Наталя Михайлова).- Прокурори генералии ҷумҳурӣ Бобоҷон Бобохонов имрӯз вобаста ба вафоти мудири шӯъбаи қабули беморони Маркази ҷумҳуриявии табобати саратон Хуршед Бобокалонови 33-сола барои намояндагони воситаҳои ахбори оммавӣ нишасти матбуотӣ ташкил намуд. Вай зикр намуд, ки кормандони милиса чанд рӯз пеш дар кӯча Хуршед Бобокалоновро ҳамроҳи рафиқаш дар ҳолати сархушӣ бозмедоранд. Байни кормандони милиса ва шахсони дастгиршуда баҳсу мунозира ба амал меояд. Баъд кормандони милиса гурӯҳи иловагиро барои расондани кӯмак даъват менамоянд. Х. Бобокалонов ба кормандони милиса муқовимат нишон медиҳад. Кормандони милиса Х. Бобокалонов ва рафиқашро ба мошини махсус шинонда ба тарафи Вазорати корҳои дохилӣ мебаранд. Дар дохили мошин аҳволи саломатии Х. Бобокалонов бад мешавад, ба ӯ кӯмаки таъҷилии тиббӣ мерасонанд. Бо вуҷуди ин Х. Бобокалонов дар дохили мошин вафот мекунад. Прокурори генералӣ изҳор намуд, ки зимни ташхиси тиббӣ дар ҷасади Х. Бобокалонов аломатҳои лату кӯб ва марги маҷбурӣ мушоҳида нашудаанд. Рафиқи ӯ низ ҳамроҳаш дар дохили мошини милиса буд. Қайд карда шуд, ки агар аз ҷониби кормандони милиса истифода шудани зӯроварӣ нисбати Х. Бобокалонов исбот шавад, гунаҳкорон мувофиқи қонун ба ҷавобгарӣ кашида хоҳанд шуд. Дар нишасти матбуотӣ прокурори ҳарбии ҷумҳурӣ Юсуф Раҳмонов низ иштирок дошт. Вай дар ҷавоби саволи хабарнигорон изҳор намуд, ки дар давоми соли равон дар қувваҳои муссалаҳи мамлакат танҳо ду ҳодисаи худкушии хизматчиёни ҳарбӣ ба қайд гирифта шудааст. Ин воқеаҳо тафтиш карда мешаванд. Мувофиқи маълумоти Прокуратураи генералӣ, дар давоми соли равон дар мамлакат зиёда аз 6806 ҷиноят ба қайд гирифта шуд, ки нисбат ба ҳамин давраи соли 2008-ум 7,5 % зиёд мебошад. Дар натиҷа ба давлат ба маблағи 77 миллиону 776 ҳазору 933 сомонӣ зарар расонда шуд. Дар ҷараёни тафтиши ин ҷиноятҳо 46 миллиону 298 ҳазору 366 сомонӣ маблағи зарар ба хазинаи давлат баргардонда шуд. Тарҷумон Қудратов А.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
