САФАРИ ҲАЙАТИ СЕГОНАИ ИТТИҲОДИ АВРУПО АНҶОМ ЁФТ

                   Душанбе, 13 июл. (АМИТ «Ховар», Наргис Бояхмедова).- Сафари ҳайати сегонаи Иттиҳоди Аврупо ба Тоҷикистон имрӯз ба охир расид. Ҳайати сегонаи Иттиҳоди Аврупо зимни сафар бо мушовири давлатии Президенти ҷумҳурӣ дар масъалаҳои иқтисодӣ Матлубхон Давлатов, муовини аввали вазири корҳои хориҷӣ Абдулло Юлдошев, муовини раиси Бонки миллӣ Ҷамшед Юсуфов, директори Агентии назорати маводи нашъадори назди Президенти Ҷумҳурӣ Рустам Назаров ва раиси Ҳизби наҳзати ислом Муҳиддин Кабирӣ мулоқот кард. Ба ҳайати сегонаи Иттиҳоди Аврупо директори Вазорати корҳои хориҷии Шветсия Жан Ниберг, сафири Шветсия дар Қазоқистон, Қирғизистон, Тоҷикистон, Туркманистон ва Ўзбекистон Ганс Олсон, сафири Фаронса дар Тоҷикистон Анри Зиппер де Фабиани, сафири Испания дар Қазоқистон Алберто Антон Кортес шомил буданд.                    Дар мулоқот аз Шӯрои Иттиҳоди Аврупо намояндаи махсуси он дар Осиёи Марказӣ ва Қафқоз Пер Морел, мушовирони сиёсии созмон дар масъалаҳои Осиёи Марказӣ Татяна Левсеева ва Байба Алексежук ширкат варзиданд. Шоми имрӯз бахшида ба натиҷаҳои сафари намояндагони Иттиҳоди Аврупо дар Тоҷикистон барои хабарнигорон нишасти матбуотӣ ташкил карда мешавад.                                                                                                               Тарҷумон Қудратов А.